2017 წლის IV კვარტლის საჩივრების/განცხადებების სტატისტიკა

2017 წლის 1 ოქტომბრიდან  29  დეკემბრის ჩათვლით მომხმარებელთა ინტერესების საზოგადოებრივი დამცველის სამსახურში სულ შემოვიდა 127 საჩივარი /განცხადება. აქედან  108  მომხმარებელს გაეწია სატელეფონო კონსულტაცია. ხოლო 19 არის წერილობითი საჩივარი/განცხადება.

ზემოაღნიშნული 127 საჩივრი/განცხადებიდან 120 დაკმაყოფილდა, (118 სრულად დაკმაყოფილდა, 2 ნაწილობრივ დაკმაყოფილდა). 1 საჩივარზე საქმის წარმოება შეწყდა, ხოლო  6 -ზე მიმდინარეობს მუშაობა.

ტელეკომუნიკაციების ომბუდსმენის რეკომენდაცია „მედია რაითს ჯორჯიასა“და ქართულ სამაუწყებლო არხებს

ტელეკომუნიკაციების ომბუდსმენმა, თამთა ტეფნაძემ შპს „მედია რაითს ჯორჯიასა“ და ქართულ სამაუწყებლო არხებს მიმართა რეკომენდაციით, რათა მხედველობაში მიიღონ მომხმარებელთა/მაყურებელთა კანონიერი ინტერესები მომსახურების თავისუფლად არჩევის უფლებასთან დაკავშირებით და სახელშეკრულებო ურთიერთობების მოწესრიგების პროცესში გაითვალისწინონ  ქართული ტელეარხების დაყოფის შესაძლებლობა იმგვარად, რომ მომხმარებლებისთვის/მაყურებლებისთვის უზრუნველყონ მათთვის საინტერესო კონკრეტული სამაუწყებლო არხების შეთავაზება და სატელევიზიო გადაცემების თავისუფლად არჩევის შესაძლებლობა.

საქართველოს კომუნიკაციების ეროვნულ კომისიასთან დამოუკიდებლად მოქმედ მომხმარებელთა ინტერესების საზოგადოებრივი დამცველის სამსახურს მიმდინარე                      წლის ნოემბრიდან ხშირად მიმართავდნენ მომხმარებლები და გამოთქვამდნენ უკმაყოფილებას საკაბელო ტელევიზიების მხრიდან სააბონენტო გადასახადის მოსალოდნელი გაზრდის თაობაზე, რაც ერთგვარად გამოიწვია შპს „მედია რაითს ჯორჯიას“ მიერ საკაბელო ოპერატორებისათვის ქართული არხების სრული პაკეტით შეთავაზებამ. მომხმარებელთა ინტერესების საზოგადოებრივ დამცველს საკაბელო ოპერატორების გაერთიანების შპს ,,კტვ1“-ს მხრიდან ასევე ეცნობა სოციალურად დაუცველ და პენსიონერ მომხმარებელთა წრის მიერ გამოთქმული პრეტენზიები სააბონენტო გადასახადის გაზრდის გამო.

ზემოხსენებულ პრობლემური საკითხის მოგვარების მიზნით ტელეკომუნიკაციების ომბუდსმენმა რეკომენდაციით მიმართა როგორც შპს „მედია რაითს ჯორჯიას“, ასევე,  ქართულ სამაუწყებლო არხებს: “რუსთავი 2”, “იმედი”, “მაესტრო”, “ჯი-დი-ეს”-ი“, მარაო” და “კომედი არხი”.

 

თამთა ტეფნაძე სტუმრად გადაცემა “360 გრადუსში”

ტელეკომუნიკაციების ომბუდსმენმა, თამთა ტეფნაძემ მონაწილეობა მიიღო პალიტრანიუსის  გადაცემაში “360 გრადუსი”.

გადაცემის მთავარი თემა, ონლაინ სივრცეში არასრულწლოვანთა დაცვის საკითხებს შეიცავდა.

დამცველმა ისაუბრა იმ საფრთხეებზე, რომლებიც ინტერნეტიდან მავნე ზეგავლენას ახდენს  ბავშვებსა და მოზარდებზე და ხაზი გაუსვა პრობლემების გადაჭრის იმ აუცილებელ გზებს, რომლებიც  გამოიყენება ევროპულ ქვეყნებში ამ მიმართულებით.

თამთა ტეფნაძე ბრიტანელ ექსპერტს, ჯონ კარის შეხვდა

13 დეკემბერს, საქართველოს კომუნიკაციების ეროვნულ კომისიაში ტელეკომუნიკაციების ომბუდსმენის, თამთა ტეფნაძისა და  ბრიტანელი ექსპერტის, მსოფლიოს ერთ-ერთი წამყვანი ავტორიტეტის ბავშვების მიერ ინტერნეტისა და ციფრული ტექნოლოგიების გამოყენების საკითხებში, გაეროს, ევროკავშირისა და ევროსაბჭოს მრჩეველის, ჯონ კარის შეხვედრა შედგა.

შეხვედრას ასევე ესწრებოდნენ კომისიის წევრი, მერაბ ქათამაძე, კომისიის აპარატის საერთაშორისო ურთიერთობებისა და პროექტების მართვის სამსახურის მთავარი სპეციალისტი მარიამ სულაბერიძე და ომბუდსმენის თანაშემწეები: ნათია ფანგანი და გიორგი ხუნდაძე.

შეხვედრის მთავარ მიზანს წარმოადგენდა ინფორმაციისა და გამოცდილების ურთიერთგაზიარება ისეთ მნიშვნელოვან საკითხებზე, როგორიცაა: ონლაინ სივრცეში არასრულწლოვანთა  უსაფრთხოება და მავნე ზეგავლენისგან  მათი დაცვის ეფექტიანი მექანიზმები.

თამთა ტეფნაძემ მონაწილეობა მიიღო გაეროს ბავშვთა ფონდის მიერ ორგანიზებულ დისკუსიაში

2017 წლის 11 დეკემბერს ტელეკომუნიკაციების ომბუდსმენმა, თამთა ტეფნაძემ მონაწილეობა მიიღო  გაეროს ბავშვთა ფონდის მიერ გამართულ დისკუსიაში: “ბავშვები და მათი უსაფრთხოება ინტერნეტში“, სადაც განიხილეს გაეროს ბავშვთა ფონდის გლობალური ანგარიშის პრეზენტაცია: „მსოფლიო ბავშვთა მდგომარეობა: ბავშვები  ციფრულ სამყაროში“ .

დისკუსიის მონაწილეებმა განიხილეს საკითხები,  თუ რა გავლენას ახდენს ციფრული ტექნოლოგიები ბავშვების ცხოვრებაზე, რომელიც ერთის მხრივ  მოზარდებს სთვაზობს უდიდეს შესაძლებლობეს, ხოლო, მეორეს მხრივ, ასევე შეიცავს გარკვეულ რისკებს.

დისკუსიაში, თამთა ტეფნაძესთან  ერთად, მონაწილეობა მიიღო კომუნიკაციების ეროვნული კომისიის წევრმა მერაბ ქათამაძემ,  კომისიის აპარატის საერთაშორისო ურთიერთობებისა და პროექტების მართვის სამსახურის უფროსმა, ირინა ვერძეულმა და ამავე სამსახურის მთავარმა სპეციალისტმა მარიამ სულაბერიძემ.  მათ დეტალურად ისაუბრეს საქართველოში არსებულ მდგომარეობაზე და ამ საკითხებზე საქართველოს კომუნიკაციების ეროვნულ კომისიაში მიმდინარე სამუშაო პროცესზე.

შეხვედრის მთავარი მომხსენებელი იყო მსოფლიოს ერთ-ერთი წამყვანი ავტორიტეტი ბავშვების მიერ ინტერნეტისა და ციფრული ტექნოლოგიების გამოყენების საკითხებში, გაეროს, ევროკავშირისა და ევროსაბჭოს მრჩეველი ჯონ კარი.

თამთა ტეფნაძე საქართველოს საპატრიარქოსთან არსებულ ახალგაზრდობის სულიერი და ინტელექტუალური განვითარების ცენტრში.

მიმდინარე წლის 9 დეკემბერს, ტელეკომუნიკაციების ომბუდსმენმა – თამთა ტეფნაძემ ონლაინ სივრცეში არასრულწლოვანთა დაცვის არსებულ მექანიზმებზე ისაუბრა.
აღნიშნული შეხვედრა გაიმართა საქართველოს საპატრიარქოსთან არსებულ ახალგაზრდობის სულიერი და ინტელექტუალური განვითარების ცენტრში.

 

ტელეკომუნიკაციების ომბუდსმენმა, თამთა ტეფნაძემ 20 უმაღლეს სასწავლებელში საჯარო ლექციები გამართა

ტელეკომუნიკაციების ომბუდსმენმა, თამთა ტეფნაძემ  მიმდინარე წელს, საქართველოს მასშტაბით ოც უნივერსიტეტში  გამართა საჯარო ლექციები თემაზე: ”ინტერნეტ მომხმარებელთა უფლებები და კომპანიების ვალდებულებები”.  დამსწრე აუდიტორიას  უნივერსიტეტის სტუდენტები და პროფესორ-მასწავლებლები წარმოადგენდნენ.

თამთა ტეფნაძის საჯარო ლექცია შავი ზღვის საერთაშორისო უნივერსიტეტში

მიმდინარე წლის 6 დეკემბერს ტელეკომუნიკაციების ომბუდსმენი, თამთა ტეფნაძე შავი ზღვის საერთაშორისო უნივერსიტეტის სტუდენტებს შეხვდა, სადაც წაიკითხა საჯარო ლექცია :”ინტერნეტ მომხმარებელთა უფლებები და კომპანიების ვალდებულებები”.

ლექციის მთავარი მიზანია: საზოგადოების ცნობიერების ამაღლება სატელეკომუნიკაციო დარგში, რათა მომხმარებლებს გაეცნოს კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები და ვადები.

ომბიდსმენის საჯარო ლექციების ჩატარება საქართველოს უმაღლეს სასწავლებლებში, საზოგადოებრივი დამცველის სამსახურისა და ანტიკორუფციული საბჭოს მიერ 2017-2018 წლების სამოქმედო გეგმით დაგეგმილი აქტივობაა, რომლის ფარგლებში დაგეგმილია საქართველოს 20 უმაღლეს სასწავლებელში სტუდენტებთან და პროფესორ მასწავლებლებთან შეხვედრების გამართვა.

ეს შეხვედრა ომბუდსმენისთვის, რიგით მე-20 იყო.

 

 

ტელეკომუნიკაციების ომბუდსმენის საჯარო ლექცია გურამ თავართქილაძის სახელობის თბილისის სასწავლო უნივერსიტეტში

30 ნოემბერს, თამთა ტეფნაძე გურამ თავართქილაძის სახელობის თბილისის სასწავლო უნივერსიტეტის სტუდენტებს შეხვდა. ომბუდსმენმა სტუდენტებს საჯარო ლექცია: “ინტერნეტ მომხმარებელთა უფლებები და კომპანიების ვალდებულებები” წაუკითხა.

ლექციის მთავარი მიზანია: საზოგადოების ცნობიერების ამაღლება სატელეკომუნიკაციო დარგში, რათა მომხმარებლებს გაეცნოს კანონმდებლობით მინიჭებული უფლებები, კომპანიების ვალდებულებები, საჩივრის/განცხადების განხილვის წესები და ვადები.

ომბუდსმენის საჯარო ლექციების ჩატარება საქართველოს უმაღლეს სასწავლებლებში, საზოგადოებრივი დამცველის სამსახურისა და ანტიკორუფციული საბჭოს მიერ 2017-2018 წლების სამოქმედო გეგმით დაგეგმილი აქტივობაა, რომლის ფარგლებში დაგეგმილია საქართველოს 20 უმაღლეს სასწავლებელში სტუდენტებთან და პროფესორ მასწავლებლებთან შეხვედრების გამართვა.

ეს შეხვედრა ომბუდსმენისთვის, რიგით მე-19 იყო.

საზოგადოებრივი დამცველის შეხვედრა კავკასიის უნივერსიტეტის სტუდენტებთან

მიმდინარე წლის 29 ნოემბერს, ტელეკომუნიკაციების ომბუდსმენი თამთა ტეფნაძე კავკასიის უნივერსიტეტის სტუდენტებს შეხვდა და ჩაატარა საჯარო ლექცია: “ინტერნეტ მომხმარებელთა უფლებები და კომპანიების ვალდებულებები”

საზოგადოებრივი დამცველისთვის, მიმდინარე წელს,  ეს რიგით მე-18 უნივერსიტეტი იყო.

საჯარო ლექცია მიზნად ისახავდა სტუდენტებისთვის  ინფორმაციის მიწოდებას,  ტელეკომუნიკაციების მომხმარებლებისთვის, რა უფლებები აქვთ მათ და რა მექანიზმები არსებობს ამ უფლებების დასაცავად.

საჯარო ლექციების ჩატარება უნივერსიტეტებში,  საზოგადოებრივი დამცველის სამსახურისა და ანტიკორუფციული საბჭოს მიერ 2017-2018 წლების სამოქმედო გეგმით დაგეგმილი აქტივობაა, რომლის ფარგლებში დაგეგმილია საქართველოს 20 უმაღლეს სასწავლებელში სტუდენტებთან და პროფესორ მასწავლებლებთან შეხვედრების გამართვა.