ტელეკომუნიკაციების ომბუდსმენის რეაგირების საფუძველზე კომისიაში შპს “მობიტელის” წინააღმდეგ ფორმალური ადმინსტრაციული წარმოება დაიწყო

ფიზიკური პირის გ.ც.-ის საჩივრისა   და ტელეკომუნიკაციების ომბუდსმენის  თამთა ტეფნაძის მიმართვის საფუძველზე, კომუნიკაციების ეროვნულ კომისიაში შპს ,,მობიტელის“ წინააღმდეგ  ფორმალური ადმინისტრაციული წარმოება დაიწყო.

საქმე ეხება ფიზიკური პირის გ.ც.-ის საჩივარს, რომელიც შეეხება შპს „მობიტელის“ მიერ გ.ც.-თვის სატელეკომუნიკაციო მომსახურების საფასურის არასწორად დარიცხვასა და კომპანიის მხრიდან აბონენტის არასათანადო ინფორმირებას, კერძოდ კომპანიის ოპერატორის მიერ მომსახურების პირობებზე მომხმარებლისთვის უზუსტო და შეცდომაში შემყვანი ინფორმაციის მიწოდებას. საჩივარი ასევე ეხება კომპანიის ცხელი ხაზის გაუმართაობას.

17352837_10208338347005581_1179242459_n